Paula Lopez se Nawataketza ipal Witzapan. Yaja kipalewijtuk sujsul ne taketzalis iwan ne itekiw wan nusan iwan ne itajtakwikalis, ken ini takwikalis sujsul yektzin itukay "Achtu At". Nikan nemi se videoj kan tiwelit tikakit takwika. Nusan tikajsitiwit ukse videoj ne tiktalijtiwit né katani.
An se mes wetzki se achtu at.
Nujme kan tinejnemit timunamikit wan kwajkwawit
tentuk tentuk wan ijiswat selek.
Nunan ninemi nin
pal nitakwika ishpan muish;
nunan ninemi nin
pal nitakwika tik mutakakalis.
Tesu ninemi nusel:
nikilwij ne ejekat ma wiki nuwan
pal kiane kwak nitakwika
ne ejekat kiawiltia mutzunkal.
Tesu ninemi nusel:
nikilwij ne ajwich ma wiki nuwan
pal kiane kwak nitakwika
ne ajwich muatzelwi mujpak taja.
Tesu ninemi nusel:
nikilwij ne metzti ma wiki nuwan
pal kiane kwak nitakwika
ne metzti nechtawilua.
An shikita
ken muatzelwij ne ajwich tik ne iswat selek.
An shikita
ken shipinua.
Tay timunekit?
Tes’ tatka timunekit.
- ajwech o ajwich rocío
- an = ashan
- an se mes = ashan se mes, ashan se metzti hace un mes
- -atzelwia rociar
- -awiltia acariciar, juguetear
- mujpak encima de ti
- nin = nikan
- nujme dondequiera
- selek tierno, verde
- shipinawi o shipinua resbalarse
- takakalis o takakilis oído
- takwikalis canción
- -tawilua alumbrar
- tes' tatka = tesu tatka, te tatka nada
- tikajsitiwit hemos encontrado
- timunamikit wan nos encontramos con
- Witzapan Santo Domingo de Guzmán
No hay comentarios:
Publicar un comentario