 |
| Emily Johnson Dickerson |
Yaja welituya taketza yek ne taketzalis ipal ne itechan, ne Chickasawtaketzalis. Nakat uksejseuk welit taketzat: anka yeshpual-makwil (65). Melka uni, yaja te ken ne sejseuk ika yaja ne tipan ipal ne techan ne semaya welituya taketza ne Metzalitaketzalis. Muchi ne sejseuk nusan welit Ingles. Yaja tesu.
Inat sejse ka kwak titaketzat tajtaketzalis tekenhat, anka te tikitat ne taltikpak kenha tik sejse taketzalis.
Ashan ne Metzali Chickasaw kinekit ma naka yultuk ne intaketzalis. Ne chijchikitik mumachtiat; ne wejwey nusan. Kiejekuat kikwit ne taketzalis nujme.
Nemi pal ne Nawataketzat kichiwat ijkiuni nusan su te kinekit ma puliwi pal senpa ne tay kipiat.
Ma nejmachnemi ka ikajku Nantzin Emily. Yaja kitamij itekiw. Ashan tejemet tinemit pal tikchiwat ne tupal.
Su tikneki tikmati chiupiuk ipanpa Emily Dickerson wan ken ijtuk iwan ne Chickasawtaketzalis, weli tikita se tajkwilul tik Nawat tik Yajyankwik Tik Nawat, wan nusan ini tajkwilul tik Ingles.
- -ejekua intentar
- -kwi tomar, usar
- melka uni sin embargo
- Metzali indígena(s)
- nejmachnemi estar en paz
- nemi pal tener que
- nujme dondequiera, en todas partes
- puliwi perderse
- taltikpak mundo, universo
- tipan último
- uksejseuk otros más
1 comentario:
Nechkukua nuyulu. Anka intekeman nikita yaja, peru senpa kwak se Metzali miki, miki nusan ne metzalitamatilis. Nikelnamiki kwak mikik ne tipan Lenkataketza.
Publicar un comentario