Se astronautaj takwikani

Se astronautaj pashalua tik ne espacioj

Chris Hadfield se astronautaj wan igustoj takwika tik ne espacioj! Ini se tajkwilultzin ipal se takutun ipal Yajyankwik Tik Nawat pal mumachtianimet, itukay Timumachtiat! Ka né tiweli tikajsi uksejseuk ken ini tajkwilul, tik Nawat te uij.

Chris Hadfield se astronautaj ipal Canada. Nemi tik ne estacion espacial.

Tik ne espacioj, Hadfield kichiwa fojfotoj yektzin pal ne Tal. Yaja kitalia ne ifojfotoj tik icuentaj twitter, kan ne ikunpawan welit kitat.

Chris Hadfield

Chris Hadfield ajsik tik ne estacion espacial internacional tik ne Metzti 12 pal 2012. Tik ne Metzti 3 muchiwki capitan pal ne estacion.

Ashan yawi mukwepa ijpak ne Tal, ika tami ne itiempoj ka ikajku.

Takwikak tik ne espacioj se takwikalis ipal David Bowie, itukay Space Oddity. Tiwelit tikitat wan tikakit ne takwikalis ka nikan tik YouTube. Shikita, sujsul yektzin!

• Metzti 12, Metzti Majtakti-Ume diciembre
• ne shiwit panutuk el año pasado
• Metzti 3, Metzti Yey marzo
• muchiwki se hizo, se convirtió en
• takwikalis canción