11 feb 2014

Ini Nawat!


Nugustoj niamatachia kwak niaw tik ne tawikani. Yalua, niamatachia Ne Tajtaketza pal Ijtzalku, se amat tik Nawat, kwak ajsik se takat ipal Asia wan mutalij nutech.
   
Niwelik nikita ka ne takat kita ne nuamaw sejsenpa.


Kwak panutiwit yey minutoj, yaja pejki nechnutza tik se taketzalis tesu nikishmati! Naja semaya nikitak wan nikilwij tik Ingles:

“Tesu nikmati tay tina.”

Yaja nechitak wan nechilwij nusan tik Inglestaketzalis:

“Ninak ka taja ti Filipino, ika ne amat tiamatachia nemi tik Tagalogtaketzalis, tejkia?”

Nikilwij ka yaja tesu Tagalog sute Nawat, se taketzalis ipal ne Shiktal. Yaja inak:

“Ne Nawat muita ken nutaketzalis!”

Kwak niajsik nuchan, niktemuj se pal nikmati ipanpa ne Tagalogtaketzalis. Nikitak ka tejkia, ne Nawat muita ken ne Tagalogtaketzalis.

Nemanha nitajkwiluj chiupi tik Nawat tik Google Translate pal nikita tay yawi panu... wan shikitakan tay kiski! :)

  • nutech a mi lado
  • pejki nechnutza empezó a hablarme
  • sejsenpa (una y) otra vez, siempre
  • Shiktal Centroamérica
  • tawikani autobús

7 comentarios:

ruiz cuellar dijo...

nikitaka uni, ne google tapatani senpa ina ka ne nawat swajili, kwak tikejekua tikpata texto, wan ina ka malayo tik ne ajamat

Alan dijo...

Katiawel sujsul kenha ken Nawat? Tay anhinat?

NAWAT: Se takat kiski tatuka, wan kwak nemituya tatuka wetzki se chiupi itech ne ujti, wan ajsiket tujtutut wan kikwajket.

SWAHILI: Mpanzi alikwenda kupanda mbegu. Alipokuwa akitawanya mbegu, baadhi zikaanguka njiani, ndege wakaja wakazila.

TAGALOG: Narito, lumabas ang isang manghahasik upang maghasik. Sa kaniyang paghahasik, may ilang binhing nahulog sa tabing-daan. Dumating ang mga ibon at kinain ang mga ito.

MALAYO: Seorang peladang pergi menabur benih. Semasa dia menabur benih, ada benih yang jatuh di jalan, lalu burung datang dan memakan habis benih itu.

EUSKARA: Atera zen behin ereilea hazia ereitera. Ereitean, zenbait ale bide-bazterrean erori zen, eta txoriek etorri eta jan egin zuten.

Gary Ordóñez dijo...

Nina ka ne swahili muita mas ken ne nawat. Ne sejseuk kipiat miak "b" "g" "r" "h" "z"... jaja. Swahilia nusan kipia "b" wan "d" pero kipia sejse taketzalis muita ken ne itachialis nawat! Machiut: wakaja, wakazila, akitawanya.. etc.

Malespín dijo...

Naja nusan nina ka ne Swahili mas kenha ken Nawat. Pero nikajsik ini:

TAGALOG: Nakita ni Juan si María.
NAWAT: Juan kitak Maria.
"Kitak" muilwia "nakita" tik Tagalog :).

Héctor Cárcamo dijo...

Nimuneki nikinkaki pal nikmati katiawel ken ne nawat. Nikmati se Filipino , niuniktajtanilia ma taketza tik Tagalog wan nusan ukse kunpa wan Swahili

Anka ne nawat mukaki chupi ken japones?

Héctor Cárcamo dijo...

Nimuneki nikinkaki pal nikmati katiawel ken ne nawat. Nikmati se Filipino , niuniktajtanilia ma taketza tik Tagalog wan nusan ukse kunpa wan Swahili

Anka ne nawat mukaki chupi ken japones?

Alan dijo...

Gary, naja nusan nikita ken taja. Malespin, se palabraj ne mukaki kenha tik ume taketzalis te kineki ina tatka: shikelnamiki keski palabraj nemit tik se taketzalis, estatisticamente te uij ma nemi se yejemet mukaki kenha tik ne ujume! Shikutzin, titejchiat tikakit tay tikajsik tik ne mutapepetalis :)