Jimmy Fallon pejki kishpanua "The Tonight Show"

Jimmy Fallon tik ne achtu "The Tonight Show"

Yalua Jimmy Fallon pejki ishpan ne tajtachianit tik ne NBC Studio tik New York ka tayua. Ne yankwik taishpanuani wan "The Tonight Show" mukwepat ka ne achtu ichan ne tailwitilis, New York.

"Naja ni Jimmy Fallon wan ne yankwik taishpanuani -- pal ashan," yaja inak, se chuntal ka kielnamiki tay panuk iwan ne tipan taishpanuani, Jay Leno.

Kwak tami kilwia ne achtu chuntal, panuk kilwia ipanpa isel -- kwak se piltzin, imiakawan, itekiw.

Kwak tami kilwia ipanpa, yaja kalak uksenpa kan panuk ne wejwey kwachtzakka shushultik. Kiané pejki ne tailwitilis sujsul pajpaki iwan ne kenha.

Muchi muwetzkat ka muchi ka ina katka.

Wan kwak inteuk kalakket Will Smith wan U2, walajket miak pal kimakat tumin ijpak ne iescritorioj Jimmy Fallon.

Taika?

"Pal nukunpa ka inak ka tekeman naja ne taishpanuani ipal 'The Tonight Show,' wan taja tikmatiaya ká," Fallon inak, "taja timuneki tinechmaka se tzunti tumin, nukunpa."

Wan kiané ka kisket Lady Gaga, Kim Kardashian, Rudy Guiliani, Mike Tyson wan miak ukseuk, wan kimakaket tumin.

Ne tailwitilis panuk neman iwan Will Smith.

• tachiani - observador
• taishpanuani - presentador
• ailwitilis - show ??
• tipan - último
• kwachtzakka - cortina