4 mar 2014

Ne poemaj tik Meshijkataketzalis "Nunan" patatuk tik Nawat

Se tilkwil tik ne videoj Nonantzin (poema Nahuatl)
Muita ka tipanut yek iwan ne tajtapatalis ipal tajtakwikalis pal sejse taketzalis, wan ashan tiawit timuejekuat iwan se sujsul galantzin poemaj tik Meshijkataketzalis (Nahuatl iwan L) pal ne tajkwiluani Nezahualcoyotl*. Su ankinekit welit ankitat "Nunan" tik Nahuatl wan tik Castillaj ka nikan. Wan welit ankikakit ka nikan.

Nikan ankipiat tik Nawat ipal Kuskatan, tik ume tapatalis, ne se ipal C.A. Ruiz Cuéllar wan ne seuk ipal Alan King (ne kipatak tik 2004).



Nunan (ipal Nezahualcoyotl)
Tapatalis ipal C.A. Ruiz Cuellar:


nunan: kwak nimiki
itech ne mutiw shinechtuka
wan kwak tiu-tikteka ne tamal
ka né nupanpa shichuka

wan su ajaka metztajtanilia
nantzin, taika tichuka?
shikilwi ka sujsul shushuknaj ne kwajkwawit
wan metzchiwa ma shichuka iwan ne wey pukti.

Tapatalis ipal A.R. King:


Nunan, kwak nimiki
itech ne tit shinechtuka
wan kwak titamalchiwa
ka né nupanpa shichuka.
Su aka tajtaniskia:
“Siwapil, taika tichuka?”
tiu-tiweli tikilwia:
“Shushuknaj nemi ne kwawit
wan wey pukti kishtia!”

Anwelit anhamatachiat ipanpa Nezahualcoyotl tik Wikipediaj tik Ingles, Castillaj ush Meshiijkataketzalis.

  • Meshijkataketzalis lengua mexicana, náhuatl
  • muejekua ejercerse
  • mutiw tu fuego

2 comentarios:

Anónimo dijo...

Nikmati ka ini poemaj mutechtia, te aka kineki tachia inan chuka menos ipanpa ne uni wey kukuk.
Tikmati kwak ne contexto ipanpa ini yekchin man mutechtia poemaj?

Alan dijo...

Te nikmati.