Kineshtiliat itachishka se weykuke

Sejse taishmatini kineshtilijket ne itachishka se ikman weykuke ne nejnemituya ijtik ne kujkujtan tik China ashan 120 millon shiwit. Kalishtijket ne iujumiu wan kitaket ka kenhayuk kipiatuya ne ishinyu. Ne iten kenha ken se alut wan ikwitapil kipiatuya iujmiu.

Ne Psittacosaurus (tik Nawat "alukuke") katka kuneshnaj wan ka itan ne ikwitapil wan ne iijti chiupi kusnaj. Ne taishmatinimet inat ka ini tekenhayu tik itachishka kipalewki ma te kikwakan.

Yejemet kishtemujket ne melanosomas ijtik ne ishinyu ika ini ne kilwitia tay ne itachishka ne ishinyu kwak yultuk ne weykuke.

Ne itachishka ne ishinyu kilwitia ka yaja nejnemituya kan te tatawilua wan kan nemit miak kwajkwawit. Ne iujki 5 ikshichin (1.5 m), nejnemi iwan ume ikshi, wan sema kikwa kijkilit wan ijiswat. Yaja anka ne itakwal ne Yutyrannus ne iujki 30 ikshichin (9 m).

Miak weykuke kikwat yajini. Yajika kipetewki ne itachishka pal minaya wan pal kinshijshikua ne ukseuk weykuke.

• -al-ishtia sacar para acá, desenterrar
• alut perico
• -ijti barriga de
• ikshichin (medida) piez
• -ilwitia mostrar
• kenhayuk todavía
• kuneshnaj (color) café
• kusnaj pálido
• -kwitapil cola de
• minaya esconderse
• nejnemi iwan ume ikshi andar en dos patas, bípedo
• -neshtilia informar, revelar, dar a conocer
• -petewki desarrolló, extendió (de -petewa)
• -shijshikua engañar
• -shinyu (reptil) piel de 
• -tachiska apariencia de
• taishmatini, -met científico
• tatawilua brillar, resplandecer
• tekenhayu diferencia
• -ujki tamaño de, medida de
• -ujmiu plumaje de
• -umiu hueso de
• weykuke dinosaurio