Tea nemit miak tasumanit ipal ISIS. Yankwik tasumanit te musenpuat nemit. Melka uni, uij pal kianat Mosul. Tik ne techan, nemit itan tal miak shaput tentuk iwan tapanka.
Ne ESA kipalewijtuk ini musenpualis, melka yajini kipia se talilijtuk tekenha. Ne tasumanit pal Irak yejemet Shiitaj. Ne chanejket tik Mosul yejemet Sunni. Iran kipalewijtuk ne Shiitaj wan yejemet nusan yu-tasumat.
Ne Kurdojtekat nusan seuk tepewa metzali tik Iran. Ne tasumanit Kurdojtekat nemit tik ne musenpualis. Yejemet inat ka te kinekit nakat tik Mosul.
Yawit nemit yey taksaya ipal ne musenpualis. Se, pal kiana ne techan. Ne tachiat kichiat ka ne tasumanit kiyawaluat ne techan. Nusan yawit kalakit tik sejse kal pal kitzkiat takamet ipal ISIS. Ne ume, ne miaktal ne yawit chuluat tik ne techan. Miak yawit munekit tepalewilis.
Ne yey taksaya ukchiupi uij. Kwak kianat, ká yawi tatuktia tik Mosul? Ne Shiitajmet kitekimakat ne Kalpuli pal Irak. Ne kalpuli kitanitaski ne Sunni wan ini tay kipewaltij ISIS.
Ne ESA ina ka yawit kimatit ne chanejket. Ne ESA kinekit ka tajpianit kiektaliat ne tajtuli. Wan nusan kinekit ka sentekitit iwan tasumanit. Ini sema weli pewa kwak Mosul nejmachnentuk. Ne tasumalis yawi ishtuna.
Kwakuni, yawit musentaliat pal kiektalia se tajkwilul. Ne Kalpuli pal Irak nemit pal kitukaytaliat ne tajkwilul tik Baghdad.
Tesajsay ika uksan nemit 1 millon takamet wan siwatket tik Mosul. Yawit munekit miak tepalewilis, takwal, wan ukseuk.
- -ana conseguir
- chulua escapar, huir
- ishtuna tardar
- itan ne tatuktilis bajo el mando
- itan tal bajo tierra
- -itzkia agarrar, capturar, cazar
- kajkalijtik dentro de casas
- miaktal multitude
- musenpua afiliarse, incorporarse
- musenpualis coalición
- musentalia sentarse juntos, reunirse
- -pewaltia empezar
- talilijtuk interés
- -tanitasa sojuzgar
- tapanka explosivo
- tasumani(t) soldado(s)
- tepewa metzali grupo étnico
- tesajsay peligroso
- -tukaytalia firmar
- uij difícil
- ukchipi un poco más
- -yawalua rodear, cercar
No hay comentarios:
Publicar un comentario