Ne tzajtzini ipal ne tajkuyua

Tik Kuskatan tikpiat miak sisimit pal ikman.

Kwak nichikitik katka, ninemituya tik se techan itukay Aguilares. Tesu tikpiatuyat tawil ka né. Yajika, kwak tayuaki katka, nemi kunyua nujme. Ka tayua, ne nutatanoy mutalia katka ka tenkal wan tachichina. Ne nueltiwan wan naja timutaliat katka inawak wan yaja techilwia ipanpa se sisimit pal ikman itukay ne “tzajtzini ipal ne tajkuyua”.

Ini sisimit ajsi katka ne tejtechan chikitik ka tajkuyua wan pewa chuka wey. Su taja tinemi muchan wan tikaki ka witz ne Tzajtzini, shimutalu wan shimutentzakwa! Su taja tikisa pal tikita ini sisimit kwak nejnemi tik ne ujti, tikukuya yey tunal wan muchi ne mutzunkal istaya! Nimajmawi wey kwak ne nutatanoy techilwia katka ini.

Wan anmejemet, katiawel sisimit metzinmutia mas?

• tzatzini gritón
• sisimit demonio, espectro, fantasma
• tenkal patio
• -tentzakwa encerrar, cerrar la puerta
• kukuya enfermarse
• istaya blanquear
• majmawi asustarse
• -mutia asustar