20 ene 2017

Ne itatzinpewaltilis Donald J. Trump


Ashan muchiwki ne itatzinpewaltilis ne yankwik tatuktiani pal ne Ejestadoj Senputzujtuk, Donald J. Trump, wan ne yankwik ipatka-tatuktiani, Michael R. Pence. Yaja kitekak se imey ijpak ne Bibliaj wan kitejkultij ne ukse imey pal kimaka itaketzalis. Kwakuni, yaja tajtaketzki chiupi.

Ini tay inak:

Tesu semaya tikijkwaniat tajpaltzin itzalan se kaltajpialis wan ukse, wan itzalan se partidoj wan ukse, asunte tikijkwaniat tajpaltzin itzalan Washington, D.C. wan tikmakat anmejemet, ne tekniwan.

Ne tatuktilistepewa mupalewia isel, wan tesu ne tekniwan tik tutaltechan. Wan kwak yejemet tatwat tik tuyultechan, tesu tatwat ne temiakwan mutekipanuat tik muchi tutal.

Tik miak majtakshiwit, tiktujtumintijtiwit ne itekitilis tepaltaltechan wan ipanpa uni mupulujtuk ne itekitilis tutaltechan; tiktuminwijtiwit ne itasumanital tepaltaltechan, wan tikajkawat ma mukashawa ne tutajtasumani. Tiktajpishtiwit ne iishku tepaltaltechan wan te tiknekit tiktajpiat ne tupal.

Ashan, se yankwik tachialis tatuktia tik tutal. Ashan wan senpa, America achtu, America achtu.

Tinemit pal titajpiat ne tuishku itech ne itajkawilis tepaltaltechan ne kichijchiwat ne tutakujkual, kichtekit ne tutekitiluyan wan kiwilewat tutekiw.

Tiawit tikchikawat ne tuishnamikwan tikishmatita wan tikchiwasket yajyankwik wan tiksenputzusket ne taltikpak itech ne tesajsay temujmutilis Islamistaj, ne tiktamisket ijpak ne taltikpak.

Kwak mutapua ne tuyulu iwan techantasujtalis, te kanaj ne teishijialis.


  • asunte sino, excepto
  • -chijchiwa producir
  • -ijkwania mover, trasladar
  • -ishnamik conocido, aliado
  • -ishku frontera, borde
  • itech (aquí) en contra
  • itzalan de entre; en medio de
  • kaltajpialis administración
  • mukashawa disminuirse
  • mupulujtuk se ha perdido (de mupulua)
  • tajkawilis estrago, defecto, mancha
  • tajpaltzin poder
  • takujkual producto, mercancía
  • -tamia terminar, exterminar
  • tatuktilistepewa grupo dominante
  • tatwa celebrar, divertirse
  • tatzinpewaltilis comienzo, principio; inauguración
  • techantasujtalis patriotismo
  • teishijialis odio; descriminación
  • te kanaj no existe, no hay
  • tekitilis trabajo, industria
  • tekitiluyan compañía, empresa
  • tekniwan gente
  • temujmutilis terrorismo
  • tepaltaltechan país extranjer
  • tesajsay peligroso
  • tikishmatita ya lo conocemos (de -ishmati)
  • tiksenputzusket uniremos (de -senputzua)
  • tiktujtumintijtiwit hemos enriquecido (de -tujtumintia)
  • tiktuminwijtiwit hemos financiado, hemos subsidado (de -tuminwia)
  • -wilewa destruir
  • -yultapua habrir el corazón
  • yultechan capital

No hay comentarios: