Ipanpa ini, kimakaket 35 shiwit tik tetzakwiluyan. Yaja nemik né 7 shiwit. Ini shiwit yaja musiwakwepki wan yajtuya mupanultia tik ne tetzakwiluyan ipal siwatket.
Nancy Hollander wan Vince Ward tajtaketzat ipatka Manning. Yejemet ne kitajtanilijket Obama ma kikashawili itatzuntekilis.
Kimakishtisket Manning tik mayoj 17. Yejemet yawit ishtunat ika nemit pal kiektaliat tik inemilis yankwik.
Obama nusan kikashawilij ne itatzuntekilis ne Achtu Tasumani James E. Cartwright. Yaja sankataketzki kwak kitajtanilijket ipanpa itajtaketzalis iwan tajkwiluanimet. Ne F.B.I. nusan kitajtanilijket ipanpa se ichtakatamatilis taneshtilis.
- -kashawilia desminuir (algo a alguien); conmutar
- ichtakatamatilis información confidencial
- -makishtia liberar
- mupanultia trasladarse
- musiwakwepa transformarse en mujer
- -neshtilia revelar (algo a alguien)
- sankataketza mentir
- tajkwiluani(met) reportero(s), escritor(es)
- tajtaketza ipatka abogar, hablar en su lugar
- tajtaketzalis conversación
- -tajtanilia preguntar (algo a alguien)
- tatzuntekilis condena, sentencia, juicio
- tetzakwaluyan carcel, prisión
- taneshtilis revelación, descubrimiento; filtración (de información)
No hay comentarios:
Publicar un comentario