Kanada ashan kineki kinamaka tajtamakalis pal mishtel tik Ewropa. Achtu, muchi ne tajtaltechan tik ne Musenputzulis pal Ewropa nemit pal kishwelitat ne yankwik tatennujnutzalis ipal Kanada.
Ne tapajpatalis itzalan ne taltikpak sujsul tepalewijtuk. Sejse tejtepewa tik ne taltikpak kianket wey ituminyu. Ne ituminyu kipalewij pal kitashtawiat ne tajtakewal. Nusan kipalewij takamet kipiat se sentakutun ijtik ne tepewa.
Melka uni, nusan te tepalewijtuk. Ne ESA wan ukse wey tajtaltechan kipulujket miak itejtekiw. Ne tekitinimet tik chijchin tajtaltechan kianket uni tekitilis.
Kanada kinekituya tatennujnutza iwan ne Musenputzulis pal Ewropa. Melka uni, se taltakutun tik Belgica te kishwelitak wan kitawelnek ne tatennujnutzalis. Ika ini, Kanada te weli kinamaka ne tajtamakalis pal mishtel tik Ewropa.
Wey tajtaltechan tea kishwelitat ne tapajpatalis itzalan ne taltikpak, ika kipulujtiwit miak itejtekiw.
- chijchin pequeño
- ituminyu su ganacia
- mishtel leche
- Musenputzulis pal Ewropa Unión Europea
- sentakutun parte, fracción
- takewal empleado
- taltakutun región, terreno
- taltechan país
- tamakalis producto, producción
- tapajpatalis trueque, (inter)cambio
- -tashtawia pagar
- tatennujnutza llegar a un acuerdo, negociar
- tatennujnutzalis acuerdo, trato
- -tawelneki desapobrar, oponer, resistir
- tekitilis trabajo, labor
- tekitini trabajador
- -tekiw trabajo, oficio
- tepewa grupo
No hay comentarios:
Publicar un comentario