Ini ne achtupa ne tasumantal pal ne Ejestadoj Senputzujtuk (ESA) kikutamutatuk ne 'MOAB' tapanka tik tal. Ne ietilis ne tapanka 21,600 lb wan ipatiw $16 millón. Yaja itukay 'MOAB' (tik Nawat, ne inan muchi tapanka).
Kitamutaket ne tapanka tik kalakian Afganistan, tik ne Nangarhar taltakutun. Ini taltakutun nesi ka uij ika ne ESA te weli kitajpia. Nemit sekin ipal ISIS ka né tik Afganistan wan senpa mumiakiliat. Yejemet muchantiat itan tal pal te kiajsit wan pal te kitat. Yejemet intukay ISIS-K.
Ne teyakananimet ipal ne tasumantal ipal ESA tajtaketzket yalua wan inaket ka ini tapewiltilis wey munek. Kwak ne ESA kitamutak ne wey tapanka, nemit ka né tasumanimet ipal ISIS wan teyakananimet ipal ISIS. 36 inpal kinmiktijket.
Ne kalpuli ipal Afghanistan inatuk ka nian se chanej miktuk. Ne tapanka kijtakuj ne inchan itan tal.
achtupa = achtu wipta primera vez
chanej habitante, vecino
etilis pesadumbre, pesadez
-ijtakua dañar, quebrantar
itan tal subterráneo
kalakian (dirección) este
kikutamutatuk lo ha arrojado (de -kutamuta)
mumiakilia aumentar, multiplicarse
nesi ka = muita ka parecer
tapanka bomba
tasumantal ejército, militar
-chan complejo, morada, hogar
tepewiltilis ataque
teyakanani oficial, director
wey munek fué necesario, fué provechoso (de -muneki)
No hay comentarios:
Publicar un comentario