"Ne kaltajpialis kiejekuj nechtejtenewa wan nusan ne FBI," inak kwak pejki itaneltililis ishpan ne Sennemit pal Tamatilis tik ne Senadoj. Tajtzin Comey inak ka ne tatuktiani Trump sanka inak ipanpa tay panuk.
Ne tatuktiani Trump achtu inak ka tajtzin Comey yek kichiwa itekiw. Kwak tajtzin Comey tea tekiti tik ne FBI, tajtzin Trump neman inak ka kitekitaski ipanpa ne itatejtemulis pal Rusia.
Tik se amatajkwilul, tajtzin Comey inak ka ne tatuktiani kitajtan ma kinajnawatia ka yaja te nemik tik itatejtemulis wan ma tami kishtemua tajtzin Flynn. Ini tipan takat neman kitekitasket ika sanka inak ipanpa ne munamikilis iwan tanawatianimet pal Rusia.
Tajtzin Comey kielnamiki kwak niakeman ne tatuktiani muneshtia ken itekuyu. Tajtzin Comey kakasiwik ika ne tatuktiani Trump kiejekuj kikawaltia ka kishtemua Michael Flynn, ne tenajnamikini pal techantajpialis. Mal te ajsik ina su yaja kimati su ne tatuktiani kiejekuj kikawaltia ne tamelakchiwalis. Su ijkiuni, uni mukwepa se tajtakul.
Te kanaj neltilis ipanpa se ichtaka munujnutzalis itajku ne campañaj pal Trump wan Rusia. Melka uni, muchi ne yankwik tajtaneshtilis anka kilwitia se tainayalis.
Ne itaneltililis Comey kilwitia ka ne tatuktiani kakasiwik ipanpa ken ikaltajpialis munepanua iwan ne tatejtemulis.
amatajkwilul comunicado, carta, informe, resumen
ichtaka munujnutzalis colusión
-ilwitia enseñar
-ishtemua escudriñar
itajku X wan X entre X y X
kakasiwi preocuparse, molestarse
kaltajpialis administración
-kawaltia impedir
munepanua apilarse, juntarse
-najnawatia anunciar publicamente
neltilis prueba
sanka ina mentir
Sennemit pal Tamatilis Comité de Inteligencia
tainayalis encubrimiento
tajtakul crimen, delito
tamelakchiwalis justicia
tanawatiani vocero, representante, consejero
taneltililis testimonio
taneshtilis revelación
tatejtemulis investigación
techantajpialis securidad nacional
-tejtemua investigar
-tejtenewa acusar, difamar
-tekitasa despedir (de un puesto, empleo)
tenajnamikini asesor
munamikilis conferencia, reunión, encuentro
No hay comentarios:
Publicar un comentario