Ume tapatalis tik Nawat ipal ne ipoemaj Gabriel Aresti "Ne ikal nuteku"

Se "kojtankal" tik Euskal Herria

Ashan tikishpanuat tik Nawat se yektzin poemaj ipal ne tajkwiluani tik Euskarataketzalis, Gabriel Aresti (1933-1975). Muchi kishmatit ini takwikalis tik Euskal Herria (ne Techan Vasco). Su ankinekit welit kitat ne poemaj tik Euskara wan patatuk tik Castillaj ka nikan. Miak takwikatiwit nusan: welit tikakit sejse ka nikan, ka nikan wan ka nikan!

Nikan nemit ume tapatalis tik Nawat ipal Nire aitaren etxea. Ne se ipal Carlos Alberto Ruiz Cuéllar wan ne seuk ipal Alan King.

Nire aitaren etxea / Ne ikal nuteku (Gabriel Aresti)

Itapatalis C.A. Ruiz Cuéllar

niu-nikpalewia 

ne ikal ne nuteku.

intech ne kujkuyut

itech ne amikilis,

itech ne usura,

itech ne justicia,

niu-nikpalewia

ne ikal

ne nuteku.

niu-nikpulua

ne wajwakash,

ne mijmil,

ne kujkujtan;

niu-nikpulua

ne intereses 

ne rentas,

ne dividendos,

pero niu-nikpalewia ne ikal ne nuteku

yawit nechishtiliat ne nuajarma

wan inwan ne nujnumey niu-nikpalewia

ne ikal ne nuteku;

yawit kikutunat ne nujnumey

wan inwan ne numajmajkul niu nikpalewia

ne ikal ne nuteku;

yawit nechajkawat

nian ne numajmajkul,

nian ne nukejkechtan,

nian ne nuelpan 

wan iwan ne nualma niu-nikpalewia

ne ikal ne nuteku.

nimikis,

yu-puliwi ne nualma

yu-puliwit ne nupilawan

pero ne ikal ne nuteku

yawi nemi senpa

ketztuk.

Itapatalis Alan R. King

Niaw nitasuma pal nikpalewia

ne ikal nuteku.

Niksumas ne kujkuyut,

ne tunalku,

ne tuminpiani,

ne kalpuli

pal nikpalewia

ne ikal nuteku.

Nikpulus nuhaciendaj,

nutajtal,

nukwajkwaw;

nikpulus nutumin,

nurentaj,

nupuestoj,

pero niaw nikpalewia ne ikal nuteku.

Nechishtilisket nuarmaj,

wan niaw nikpalewia

ne ikal nuteku

iwan nujnumey;

kikutunasket nujnumey,

wan niaw nikpalewia

ne ikal nuteku

iwan numajkul;

nechishtilisket numajkul,

nukechtan,

nuelpan,

wan niaw nitasuma pal nikpalewia

ne ikal nuteku

iwan nuyulu.

Nimikis,

puliwis nuyulu,

puliwisket nupilawan,

wan ne ikal nuteku

yawiuk mukawa

ejkatuk.

Gabriel Aresti (1933-1975)

• amikilis sed
• ejkatuk de pie
• -ishpanua presentar
• kalpuli gobierno, tribunal
• mukawa quedarse
• nukwajkwaw mis árboles
• puliwi perderse, perecer
• tapatalis traducción
• -suma pelear contra
• yawiuk todavía va (a)
• tasuma luchar