Teishpejpenalis tik Euskal Herria

Yankwik Sennemit Vascoj: miak
nacionalistaj, miak siwatket,
melka te kanaj musenputzulis

Yalua domingoj muchijki teishpejepnalis pal ne kalpuli ipal ne Euskadiko Autonomi Elkartea (Chinamit Iseltuktiani Vascoj, "CHIV"), se takutun ipal ne estadoj ipal España kipia iseltuktilis.

Tik ini teishpejpenalis, se partidoj isel te kianki ne kalpuli ika muneki 38 mutalijka.

Ume partidoj inat ka kinekit independenciaj ipal Euskal Herria (ne Techan Vascoj), ne shujshushuknaj tik ini diagramaj. Su musenputzuskiat ne ujume, kipiaskiat 46 mutalijka.

Melka uni, sejse inat ka uij ma musenputzukan pal kichiwat se kalpuli independentistaj ika ne se (ne mas wey) se partidoj pal ne Yekkan, wan ne seuk mas tasumani.

Ukse partidoj (ne moradoj) te tikmatit tay kinekit, anka yejemet nusan te kimatit...

Ne chijchiltik mutalijka ipal ne PSOE (ne partidoj socialistaj ipal España). Ne sujsusul ipal ne PP (ne "ARENA" español, ne ipartidoj Mariano Rajoy). Ne ujume kipalewiat ne musenputzulis ipal España wan kinekit ma naka Euskal Herria ijtik España, ika te kielewiat ma mukupewakan ne tejtechan nemit itan ne intatuktilis.Yejemet kishtijtiwit chiupi mutalijka, semaya 18 itzalan muchi yejemet, ipal ne 75 mutalijka ipal ne Sennemit pal ne CHIV.

Nemi ukse yankwik interesantej kiski tik ini teishpejpenalis. Ipal ne 75 tukniwan yawit nemit tik ne yankwik sennemit, 35 ukichket wan 40 siwatket.

Yajika, tiweliskiat tinat ka melka te tikmatit ká yawi tatuktia tik ne yankwik kalpuli, kia tikmatit ka "tatuktiat" ne siwatket. Melka uni, ne CHIV te keman kipishki se tatuktiani siwat, wan ashan nusan tikmatit ka teuk yawi muchiwa. Anka se tunal...

• -ana obtener, guardar, ganar
• chinamit comunidad
• -elewia desear
• iseltuktilis autogobierno, autonomía
• iseltuktiani autónomo
• itzalan entre
• kalpuli gobierno
• kianki obtuvo, ganó (de -ana)
• kipiaskiat tendrían
• kipishki tuvo (de -pia)
• mukupewa separarse, independizarse
• musentputzua unirse, juntarse
• musenputzulis unión
• musenputzuskiat se unirían, se unieran
• mutalijka asiento, escaño
• -palewia defender
• sennemit congreso, parlamento
  
• tasumani peleonero, radical
• tatuktilis autoridad, mando
• teishpejpenalis eleccion(es)
• tiweliskiat podríamos
• ukich, -ket macho, varón, hombre
• yekkan derecha