Ne tajpianimet kitukaytijket Khalid Masood, 52, ken ne temiktiani. Nusan inat yaja se Islamistaj temujmutiani.
Ne tajpiani miktuk itukay PC Keith Palmer, 48, se tetakaw wan teteku. Ne Wey Taketzani Theresa May inak ini tepewiltilis yawi itech ne nejmachnemilis, tapejpentatuktilis, wan ne tamakishtilis pal tajtaketza.
Ne ukume miktiwit intukay Aysha Frade, se weytamachtiluyan tekitini, wan Kurt W. Cochran, se ESA chanej kunejnemini. Nemi seuk mikini, 75, teuk muishmati ken itukay.
Ne tepewiltilis pejki ka 14.40 GMT kwak ne tepewiltiani kiyakanki se neshnaj Hyundai i40 tik ne ikechtan ne Westminster kupanuas, ne nemi achka ne Munujnutzaluyan tik Londres.
Neman kitapanki ne itawikani tik ne itepuskulal ne Munujnutzaluyan.
Ne tepewiltiani kipiatuya se kuchu. Mutaluj ka ne Munujnutzaluyan kan ajsik se tajpiani. PC Palmer te kipiatuya se matepusti wan neman tepewiltiani kitepustuka.
Kwakuni, tajpianimet kipiat matepusti kitamutilijket ne tepewiltiani.
- tepewiltiani atacante, acometedor
- -yakanki manejó (de -yakana)
- ujtenpan banquilla, orilla de la calle
- tajpiani policía
- kitzuntek hirió (de -tzunteki)
- -tamutilia disparar
- Munujnutzaluyan Parlamento
- -tukaytia nombrar
- temujmutiani terrorista
- -tepustuka apuñalar, acuchillar, clavar
- teteku padre (de alguien)
- tetakaw esposo (de alguien)
- Wey Taketzani Primer Ministro
- tepewiltilis ataque, acometimiento
- nejmachnemilis paz, armonía
- tapejpentatuktilis democracia
- tamakishtilis libertad
- kunejnemini (aquí) turista
- kupanuas puente
- -tepuskulal verja
- matepusti arma
No hay comentarios:
Publicar un comentario