Ne taishpejpenalamat san tajtani: “Tikneki ma Catalunya mukwepa se taltechan ken ne itachialis se techantatuktilis? Nemit ume tay welit kishpejpenat: E wan Te.
Yalua ka peyna ne iKalpul Katalunya kinawatij ne taishpejpenanit ma yawikan ka nujme pal taishpejpenat, asu te tapujtuk kan nemit pal.
Ne taishejekuluyan ipal Kastiya inatuk ka ne referendum tesu melawak, wan kititanijtuk tajpianimet pal te taishpejpenat tik uni taltakutun. Yejemet nentiwit tik ume akal tik at tech Barcelona.
Madrid kitalijtuk ne itajpialis Catalunya itan ne itatuktilis. Wan kituktijtuk ne Mossos d’Esquadra ma kipalewikan ne itatuktilis.
Yejemet kitzkijtiwit ne ajamatzin pal taishpejpenat, kitashtawiltijtiwit ne techantajpianit pal Katalunya wan kilpijtiwit sejse tanawatianit.
Ne tajpianit nusan kitzkijtiwit ne wejkatenujnutzalis tik Katalunya.
“Te tikmatit taika te tiwelit tiktenkishtiat nejmach ne itamatilis ne techantatuktilis - se taishpejpenalis,” inak Pablo Larranaga, tik se tamachtiluyan tik Barcelona.
- -ilpia amarrar, atar, llevar preso
- -itzkia tomar, agarrar, cazar, capturar
- ka nujme por doquier
- mumakishtia separarse, liberarse, independizarse
- nejmach pacíficamente
- pujtuk (estar) contado
- taishejekuluyan corte
- taishpejpenal voto
- taishpejpenalamat voleta electoral
- taishpejpenalis votación, elección
- taishpejpenani elector
- tajpialis cuidado, control, protección
- tamachtiluyan escuela
- tanawatiani político
- tapujtuk (estar) abierto
- tatuktilis control, mando
- techantajpiani oficial de estado
- techantatuktilis democracia
- -tenkishtia emotar, expresar, pronunciar
- -tuktia mandar, ordenar, enviar
- wejkatenujnutzalis telecomunicación
No hay comentarios:
Publicar un comentario