23 ene. 2014

Ne Kwishti

Nemit miak clasej kwishti
Ini tajkwilul muajsi tik ne Wikipediaj tik Nawat.

Ne kwishti se tutut ipal ne orden itukay Falconiformes.

Nemit miak tekenhat ijpak ne Tal; sejse yejemet chijchikitik, semaya majtakti u kashtul centimetroj, sejseuk sujsul tujtumak – welit kipiat se metroj.

Ne chijchikitik kikwat chajchapulin u sejseuk chikitik takwalmet. Ne tujtumak kikwat takwalmet mas wey, ken ne tuchti, ne tijlan wan ne takwatzin.

Nemi se kwishti itukay Buteo swainsoni. Yaja patani sujsul wejka. Pewa tik Alaska wan patani hasta Argentina (22,000 km), pal panu ne tunalku tik Alaska u Canada wan ne shupan tik Argentina u Brasil.

Ini kwishti chiupi tesajsay ipal ne chanejket ika kinmutia kwak tajpia ne itapajsul.

Weli tikita ini tajkwilul ijtik ne Wikipediaj tik Nawat.

  • kwishti gavilán
  • takwalmet animales
  • takwatzin tacuacín
  • -tapajsul nido
  • tekenhat diferentes
  • tesajsay peligroso
  • tumak grande

No hay comentarios: