Kinekit kitentzakwat se tanawatiani ika yaja kinpalewia ne metzali

Yalua ne Kalpuli ipal Ajkuikpa Dakota ina ka kineki kitentzakwa ne tanawatiani Amy Goodman. Ini tanawatiani techilwitij ka ne policiaj kinsuma ne metzali ne kipalewiat ne intalmet teuchijtuk.

Ka metzti chikume, ne metzali ipal Ajkuikpa Dakota kichijket se manifestacion wan ne policiaj kinsuma ne metzali. 

Goodman kichijki grabar ini musujsumalis ika tay kichiwa ne policiaj inte yek. Yaja kinekik ka muchi tejemet welit tikitat ka ne Kalpuli kisuma ne metzali. 

Ashan ne Kalpuli ina ka Goodman kineki kitateyekchiwilia ne tatuktilis. Goodman ina: “Naja nitanawatiani. Nikitak ka ne policiaj kisuma ne metzali. Maya nikchiwa katka ne nutekiw”.

Muchi ne metzali ipal Ajkuikpa Dakota wan sejseuk estadoj muishkwalantiat wey ika ne Kalpuli kineki kichiwa se wey cañeria tik ne intalmet. Ini cañeria yawi kipulua ne intalmet teuchijtuk. 

• -tentzakwa encerrar, encarcelar
• -palewia ayudar, defender, proteger
• tanawatiani periodista
• -ilwitia mostrar
• talmet tierras
• teuchijtuk bendecido, sagrado
• Kalpuli Gobierno
• metzali indígena
• Ajkuikpa Dakota Dakota del Norte
• musujsumalis pleito, contienda
• -tateyekchiwilia hacer daño a
• tatuktilis autoridad, orden
• muishkwalantia estar enojado