Ne siwapil ishtultik

Ne semanaj panutuk nipakik ika niktemikik tik Nawat... melka tay niktemikik chiupi nechmutia ashan keman nikelnamiki. Niu-nimetzilwia tay niktemik.

Nikpia se nusiwakunpa itukay Susana. 

Yaja chikitik wan galanchin. Tultik itzunkal wan weyak. Ne ikupak ken ne ikupak se tutut.

Pero ne mas galanchin, ne iijish: yejemet tujtultik ken ne nekti, tujtultik ken ne tawil tik ne tunalku!

Niktemikik ka naja ninejnemi tik ne kojtan keman nikitak Susana. Yaja nemituya isel itan se kwawit kojtik.

Niajki niknamiki. Kwak niajsik inawak, nikitak ka ne iijish tea tujtultik sute ijistak!

Nikilwij tik Nawat: 

“Mujmuish tea tujtultik. Tay panuk?”

Yaja nechilwij: 

“Ne mijmistun nechichtekilijket. Shikita ka ikajku.”

Niajkutachishki.

Pak ne imajmajtzal ne kwawit nemituyat nawi mistun. Wan muchi yejemet nechitat iwan inhijish tultik.

• iijish sus ojos (de él/ella)
• inhijish sus ojos (de ellos/ellas)
• ishtultik ojiamarillo
• -majtzal rama
• mujmuish tus ojos
• -mutia dar miedo
• -namiki encontrarse con, "meet"
• nechichtekilijket me (los) robaron
• nekti miel
• niajkutachishki miré para arriba
• -siwakunpa amiga
• tea ya no
• -temiki soñar