22 ene 2014

Tunan Tal (se poemaj ipal Genaro Ramirez)

"Earth Mother" (1882),
ipal Edward Burne-Jones
Ini yektzin poemaj muajsi tik ne iamaw Genaro Ramirez Vasquez itukay Naja Ni Genaro.

PADIUSH, Nan Tal,
ka taja tikitak kwak ninesik,
tikitak kwak nipejki niweya,
kwak nimuchiwki takat.
Mupanpa naja niwelik nikchiwa muchi tay niwelik tik ne tunal,
ninemik wejwey takapiltzin,
nechmunekiket pal nitekitik iwanmet.
Panu sujsul tunal wan nimuchiwki chulet,
kunij tea akaj nechneki kwak nikukuya, semaya nukniwan,
kenhayuk nechnekit pero ajsi keman tea akaj nechneki, nian nukniwan,
ajsi se tunal ka naja nimiki,
kunij nian nusiwaw nian nupilawan nechnekit,
yawit nechmimat ken kimimat ne kupajsul tik ne kupajsultal,
semaya taja, Tunan Tal, hasta kwak timikit titechneki
ka kunij tiktapua mumajmajkul pal titechnamiki.
Yajika timetzilwiat padiush, Tunan Tal!

No hay comentarios: