Su yaja yawi kichiwa tay ne inatuk, sujsul uij ipal ne Musulman wan ne walejkunimet. Tamatinimet te kimatit tay yawi kichiwa kwak kalaki tik ne yankwik itekiw ken ne achtumutaliani ipal se ne wejwey taltechan tik ne taltikpak.
Ne achtumutaliani kipia miak itajpal. Se ipal yejemet ne ken yaja kiejekua ne tajtuli. Su yaja te kiwelita ken muejekua se tajtuli, yaja weli kipata.
Ne achtumutaliani Trump nusan weli kishpejpena ne yankwik itejtekuyu ne tejtepewa, ken ne FBI.
Trump tesu kenha ken ukseuk achtumutalianimet. Yaja kipatki ken muchiwat ne tejteishpejpenalis.
- Yaja te keman tekitki tik ne kalpuli
- Itajtakewal te keman tekitket tik se teishpejpenalis
- Yaja kitalij chiupi tumin pal kinawatia ne teishpejpenani
Kwak achtu pejki ne teishpejpenalis, yaja muishkejketzki ka yek kisa kwak teijilwia wan tejtenewa. Pejki itech ne ukseuk tik ipartidoj wan neman itech ne Tajkwiluani pal ne Kalpuli, Hillary Clinton. Yaja kipatki ken muchiwa ne teishpejpenalis.
Ne tamatinimet te kimatit tay yawi panu wan tay yawi kichiwa. Te kimatit su yawi teishijilia, su yawi kitawelneki ne siwatket, su yawi tapepechulketza, su yawi kitujtuka miak ejkunimet, su yawi kitawelneki ne tay kichijki Obama, su yawi kitawelneki ne tatennujnutzalis iwan Iran, su yawi kitajtapana Siria, su yawi kiajkawa ka Putin tatuktia tik Ewropa… te tatka mumati.
Melka muchi uni, ne teishnamikini Hillary Clinton mutemak... ika ne taltechan teishpejpentuk.
- achtumutaliani presidente
- -ejekua ne tajtuli enforzar la ley
- itajpal su poder
- muishkejketza darse cuenta
- mutemaka conceder
- -nawatia aconsejar, avisar
- se ne wejwey uno de los más poderosos
- Tajkwiluani pal ne Kalpuli Secretaria del Estado
- -tajtapana bombardear
- takewal empleado
- taltechan país
- tamatini especialista
- tapepechulketza eregir muro
- tatennujnutzalis acuerdo, trato
- tatuktia mandar
- -tawelneki negar, oponer
- teijilwia insultar (a la gente)
- teishijia descriminar (a la gente)
- teishnamikini adversario
- teishpejpenalis elección
- teishpejpenani elector
- teishpejpentuk ha escogido
- tejtenewa insultar, hablar mal (de la gente)
- -tekuyu jefe
- tepewa grupo
- uij difícil
- walejkuni inmigrante, extranjero
- -welita gustar, aceptar
No hay comentarios:
Publicar un comentario